Shtetet e Bashkuara të Amerikës kanë dhuruar për Kosovën një skaner mobil, i cili do të përforcojë kontrollet doganore dhe sigurinë në pikat kufitare.

Dorëzimi i pajisjes u bë gjatë një ceremonie në pikëkalimin kufitar në Merdare.

Ministri në detyrë i Financave, Hekuran Murati, ka vlerësuar se skaneri është shumë i nevojshëm dhe zgjidh problemin e sigurisë në pikat kufitare, veçanërisht në hyrje-daljet e mallrave.

Sipas tij, pajisja do të përshpejtojë qarkullimin e mallrave, duke ruajtur integritetin e procesit të verifikimit dhe rritjen e sigurisë.

“Një pajisje e tillë është tepër e nevojshme dhe zgjidh edhe problemin që është paraqit së fundmi sa i përket sigurisë në pikat kufitare, në hyrje daljen e mallrave sidomos në hyrje, dhe kjo po besoj do të përshpejtoj, do të jetësoj qarkullimin e mallrave dhe në të njëjtën kohë duke siguruar që ka integritet edhe procesi i verifikimit të mallrave dhe sigurisë së përgjithshme”, tha ai.8/Arbresh.info